Lobliedji uf di Ghornutu
Bernhard Walker († 6.1.2020)
Höre dir hier das Gedicht an:
Gesprochen von Dani Mangisch
E schwäri Eüwa und en breite Widder,
es gumpunts Lammji – en stattliche Chnider:
das ischt en flotte Tropu Veeh,
mit dem darf jede schich la gseeh.
En Mutta het bloss en blutte Grind.
Di friert’s bi Chelti und bi Wind.
Ganz annerscht sind die Schaf mit Horu,
nu sältu ischt da eis erfroru.
Und erscht nuch di mit schwarzer Nasu,
mit Polschterfläcke uf de Chneiw:
Di chennunt öü im Magru grasu,
schi frässunt Rinna, Miesch und Heiw.
Schi brüchunt will’s Gott nit vill Füeter,
schi süechunt Räschte unner ’m Schnee.
D’Lämmer sügund anner Müetter
und wagsunt schnäll und springunt schee.
Es Ghornuts passt z‘ insch und z‘ inschem Land.
Es zeicht insch stolz die Chrüsellocke.
Ich striiche ds Fäll mit miner Hand:
Da bliibt eim fascht der Aatu stocke.
Es Ghornuts gheert z’insch
in helle und in finschtere Tagu.
Wier jüze und chette mit lüter Stimm:
Insch cha gar nix me plaagu!
Dani Mangisch
Dani Mangisch Schauspieler/Sprecher *1973 aufgewachsen in Betten,1994 Matura Kollegium Spiritus Sanctus in Brig, 1999 SchauspielMaster Zürcher Hochschule der Künste, 1999-2002 Nationaltheater Mannheim. Schauspieler und Sprecher in der Schweiz und Deutschland für Theater, Film (Flitzer, Zwingli, Tempo Girl, Heldin der Lüfte, Der Fürsorger, King, Bild mit Ton), Lesungen und Hörproduktionen. Walliserdeutsche Mundartbearbeitungen von Bilderbüchern für Zambo, SRF1 (Coboi Klaus Staffel 1&2, Das grosse Buch der kleinen Tiere); Sprecher für Hörspiele, Dokumentarfilme, i-guides, Werbung und Synchronisationen (Funnymals SRF). Seit 2008 station voice bei rro. Kulturförderpreisträger des Kanton Wallis 2008.
www.schauspieler.ch/profil/dani-mangisch
www.451.ch/451-F//User-Beitraege/SchauspielerInnen/Dani-Mangisch